Не можа быць нейтральнай паласы,
Дзе супраць догмы выступае існасць.
Супрацьстаянне іх —
На ўсе часы.
Супрацьстаянне іх —
Безкампраміснасць.
Вось так і сэрца
творчасцю гарыць
Насуперак нятворчаму зацьменню.
Й бяскрылы чалавек супрацьстаіць
Ад веку ў век
Зямному прыцягненню.
Ад веку ў век —
На працягý жыцця,
Святая памяць —
у баі суровым.
І б’ецца памяць супраць забыцця
Дакументальным сродкам,
Бронзай,
Словам.