Сярод палёў, бароў
Дзічэе боль дзірванны.
Тут безліч хутароў
Навечна зруйнаваных.
Даўно гэта было,
Пад «бальшавіцкім дахам».
Заможнае жытло
Пайшло на згубу — прам.
Усё пайшло на злом.
А той, хто побыт ладзіў
Гарбом і мазалём,
Той лішні стаў уладзе.
Кавалачак зямлі,
Пад горкім потам соткі —
І дбалі, і жылі
Там нашых продкаў продкі.
Сярод палёў, бароў
Вісіць туга сляпая.
Заможных хутароў
Нам сёння не хапае.
Нашчадак! Зазірні
Ў мінулы час далёкі.
Твае там карані,
Твайго жыцця вытокі.