Калі у сэрцы нечым боль лютуе,
Муштруе, нібы шторм-дзевяцібальнік,
Параненае сэрца хто адчуе?
Адзіны толькі сэрца уладальнік.
Мы раўнадушшам боль толькі аголім,
Альбо бездалікатным распытаннем.
Як цяжка жыць, змагацца з гэтым болем,
Неузаемна сэрцам закаханым.
Боль сэрца гнуў, ламаў нават тытанаў,
Ў юнацтве боль адчуў амаль што кожны.
О колькі ў сэрцах носяць людзі ранаў!
О колькі сэрцаў — будзьце асцярожны!