Беларусы беларускай
Гутаркай гамоняць.
Янка Купала
Я без кпінаў, без падкусаў
Запытацца мусіў:
— Што ж так мала беларусаў
Сёння ў Беларусі?
Беларус — зірніце самі,
Выгляд важны мае,
Вунь, усмешка пад вусамі,
А язык кульгае.
Усё зладзіць, пераможа,
Да ўсяго гатовы,
Ды ніяк спаткаць не можа
Беларускай мовы.
Вельмі шчыра спадзяюся —
Гэта ўсё часова.
Загучыць на Беларусі
Наша маці-мова.