Сябе спасцігнуць
так я і не здолеў —
Хто ў свеце я,
Адказ не мог знайсці.
Я па жыцці прайшоў,
нібы па полі
Ці ўсё-такі
Я крочыў па жыцці?
Я прыкладаў
Нястомна намаганні,
Шукаў,
Шукаю
Й не найду адказ:
Мой час жыцця —
запознены ці ранні,
Прайшоў мой час
ці не настаў мой час?
Я й сам сябе
не гладзіў па галоўцы,
Разбэрсана душа
на ўсе бакі —
Я ёсць які —
адмоўны ці станоўчы?
Ці горшы самых горшых —
Ніякі?
Мой лёс быў,
як і многіх лёс — вірлівы,
Хрысціў выпрабаваннямі
Штодня.
Я быў бязгрэшны?
Сціплы?
Справядлівы?
Я быў заўсёды правільны?
Хлусня!
У тым, што век зжываю —
Мала шчасця,
Які быў век мой,
хутка што міне?
Які я ёсць?
Спасцігнуць ці удасца?
Навошта быў я?
Хто адкажа мне?