На свеце розных
Шмат забаў
І клопатаў,
І гульбаў —
_______
Хто з вогнішча
Не выграбаў
Запечаную бульбу,
Не еў такую
Смакату,
Не зведаў
Тых імгненняў,
Хто мячык
Спрытна, на ляту,
Не біў,
Гуляючы ў лапту,
Хоць раз
Не спаў на сене
Хто
Ад крынічнае вады
Ў зубах не чуў
Ламóту,
Хто крапівы
І лебяды
Хоць раз не еў
Ў ахвоту
Хто
Без акрыленасці мар,
Штоднюе
Чорна-бела,
Хто
Замест сябра
Пад удар
(Душу сваю, не толькі твар)
Не падстаўляўся
Смела
Хто
Пасярод жыцця свайго
Не знойдзе месца
Казцы,
Таму ў жыцці
Спазнаць яго
Ніколі
Не удасца.