БЕЛАРУСКАЯ ПАЛІЧКА

Сяргей Давідовіч

Цень міражу

Штó я ў вачах тваіх!

Як кропля ў акіяне,

Калі не бачу іх,

Я слепну, бы ў тумане.

 

Штó ў сэрцы я тваім!

Кахання толькі рэха.

Мой рэквіем па ім —

Адзіная уцеха.

 

Штó без цябе я! Хто?

Цень міражу ў пустыні,

Каменнае плато,

Дзе ўсё жывое гіне.

---

Тэкст падаецца паводле выдання: Давідовіч, С.Ф. Збор твораў. Т. 13. Вершы. Паэмы / Сяргей Давідовіч. - Мінск: Зміцер Колас, 2020. - 480 с.