БЕЛАРУСКАЯ ПАЛІЧКА

Сяргей Давідовіч

Да пары

Нібы ў бязводдзі карані,

Патрачаныя дні.

Мая надзея растае

Сняжком на далані.

 

Душа дагэтуль на плаву,

Не хіліць галаву.

Жывучасцю сваіх надзей

І сёння я жыву.

 

Без іх — нагамі да гары,

Хоць ты малы, стары.

Надзеі крылы —

Ўсё ж яны

Трымаюць да пары.

---

Тэкст падаецца паводле выдання: Давідовіч, С.Ф. Збор твораў. Т. 8. Вершы. Паэмы. Гумарэскі. Байкі. Апавяданні / Сяргей Давідовіч. - Мінск: А.М. Вараксін, 2017. - 511 с.