Бывай, хвалёная Амерыка,
Тай за спіной, знікай з вачэй.
А мне да роднага бы берага
Дабрацца як мага хутчэй.
Ў цябе шмат чорнага,
Менш белага
Між хмарачосавых дамоў.
Я ад твайго незразумелага
Да роднага лячу, дамоў.
Ты, кажуць, баксамі багатая,
Але ж багацце не ў грашах.
Не памяняю сваю хату я
На ўвесь Нью-Ёрк — нязграбны гмах.
Унізе акіяна покрыва,
Наш «ІЛ» напружана гудзе.
За Беларусь, за сінявокую,
Больш роднага няма нідзе.
8.VII.1991.
ІЛ-86