Час ляціць няспынны, спешны,
Я ў мінулым — кропля ў моры.
Не шукайце прах мой грэшны,
Лепш знайдзіце мае творы.
Ў тлуме дзён і ў рэдкім шчасці
Я пісаў іх сэрцам чулым.
Я хацеў масток пракласці
Паміж вамі і мінулым.
Каб чыталі, адчувалі.
Як мы дбалі, што хацелі,
Каб памылкі даравалі,
Каб памкненні разумелі.
Веру — хтосьці прачытае!
Гэта — выпрамляе плечы.
І сустрэча нас чакае —
Да сустрэчы!