Сямёну Шапіру
Які асноўны ў душы «багаж»?
Любоў, духоўнасць, чуласць і надзея.
І ўсё ж галоўны спадарожнік наш —
Дабро — яно нязменна сэрца грэе.
Дабро няўхільна па жыцці вядзе,
Адолець памагае перашкоды.
Дабро плячо падставіць у бядзе,
Дабро ад зла ратуе нас заўсёды.
Дабро спрадвеку для жыцця было —
Месія, вера ў цуд, адзінаверца...
Ёсць людзі, ад якіх ідзе святло
І цеплыня — ад сэрца і да сэрца.