Доля ты долечка, непастаянная —
Кладзесь душэўнасці, колкасць вачэй,
Шчасце ледзь бачнае, гора спатканае,
Сонечнасць, ранічнасць, цемра начэй.
Доля ты долечка — маці і мачаха,
Крылы — для мараў, надзеям — капцы.
Гнула ідучага, біла ляжачага,
Потым гаіла на сэрцы рубцы.
Доля ты долечка, непрадказальная —
Круціцца часу бязлітасны млын...
Ты — і малітва па мне памінальная,
Ты — і апошні па мне успамін.