Душа і душэўнасць, духоўнасць і дух —
Як ветразі над неабсягам Сусвету,
Як крылы, з якімі імклівасць і рух,
Як самаахвярнасць за кожную мэту.
Ствараючы свет, Бог зямлянам спрыяў,
Даў зорнае неба, даў сэрцам каханне.
З пячорных, наскальных «лістоў» і выяў
Духоўнасці скарб папаўнялі зямляне.
Душа і духоўнасць — гармоніі лік,
Дай, Бог, не забыцца на ісціну гэту.
Душа без духоўнасці — лёсу тупік,
Душа без духоўнасці — горш пустацвету.