Патрэбнае,
Непатрэбнае,
Прыстойнае,
Ганебнае —
Шмат у сябе ўвабрала
Мая памяць.
Напоўненасць памяці шчыльная,
Разбэрсанасць інфармацыйная
Радзей сагравае душу,
Болей — раніць.
Ўспамінаў душа-памяркоўніца,
З гадамі ўсё поўніцца,
Поўніцца
Галоскамі новых часоў
І падзей.
І памяці шматгалосіца
Па-свойму
Ў жыццё маё просіцца —
Ўсё болей нявечыць душу,
Сагравае — радзей.