Ад сэрца і да сэрца —
сусвет, не пераправа,
Жыцця бурлівы
акіян бязмежны.
Наладзіць пераправу —
было б святая справа,
Зрабіцца ад
абставін незалежным.
Спраўляюць баль між намі,
намі ж створаныя беды
І недавер між намі —
наша крэда.
Бывае, дастаткова
руку падаць суседу,
І вось яна ў адказ —
рука суседа.
Няўжо у люстры часу
часовыя мы госці
І ад далейшых бед
не будзе спасу?
_______
Два бараны упартыя
сустрэліся на мосце,
Рагамі лоб у лоб —
й абодва ў бездань часу.