Я Богам праведным
Спаўна адораны,
З маленства ў сёння йшоў
Праз маладосць.
Мной многа здзейснена,
І шмат мной створана,
Ды больш не зроблена яшчэ,
Чым ёсць.
Не напісáных іх,
Слоў шматгалосіца,
Сюжэтаў, вобразаў,
Задум — букет.
Ў душы не месцяцца,
На волю просяцца,
Да сэрцаў крыленых,
У творчы свет.
Два берагі душы —
І да каторага
Па моры творчасці
Найперш плысці?
І тое важна мне,
І тое дорага,
Яны галоўныя
Ў маім жыцці.