To снег, тo дождж ліне,
Начхаўшы на прагноз.
Ён спраўджваецца й не —
To едзе на мане,
A тo — па ветры нос.
He клімат, а бяда,
Капрызны, як свякроў.
Таму й прагноз — «вада»,
Псуе «вадою» кроў.
А вось сусед мой, дзед,
Хоць не чытаў буквар,
Мудрэй за гідрамет —
Прагнозаў уладар.
Ён слухае заўжды
Прагноз, раскрыўшы рот
Й прадказвае тады
Усё наадварот.
— Ты мудры сярод нас! —
Чуваць з усіх бакоў.
А дзед ім у адказ:
— Чытайце між радкоў.