У Лагойску два вытокі ёсць
Крынічнае вады,
Якія выцякаюць
З двух звычайных труб бурліва.
Ля іх — людзей натоўпы,
Кожны Божы дзень — гады.
Спытацца хтосьці можа тут:
Якое ў гэтым дзіва?
А дзіва ў тым — ля аднаго
Ў чарзе стаяць жанчыны,
А ля другога — узахлёб
П’юць мужыкі ваду.
Чаму ж так падзяліліся
Жанчыны і мужчыны —
Вялікая інтрыга,
Ды разгадку ёй знайду.
Загадка ці разгадка,
А такая вось імпрэза —
Жанкі п’юць мяккую ваду,
Без шчалачэй, штодзень.
А ў той вадзе, што п’юць мужчыны,
Вельмі шмат жалеза,
І гэта для мужчынскай сілы
Лепей, чым жэньшэнь.