Як нас хвалюе Новы год!
Нібыта мы памаладзеем.
Нібыта...
Не — наадварот,
Гады-пуды, не дабрадзеі.
І госці, і гаспадары,
Ў зубах трымаюць тост адзіны:
За год мінулы!
За Стары!
Пад охі, ахі, успаміны.
Шмат парабілі розных спраў,
Магчыма — мала,
можа, й лішку.
Год штосьці даў,
кагось забраў,
Не абмінуў і дзёгцю лыжку.
Гадзіннік б’е дванаццаць раз,
І новы тост гучыць прачулы,
Што Новы год адорыць нас,
Чым?..
Лепш, чым год мінулы?..