Жывеш і адчуваеш востра —
Ў жыццё, з жыцця — адзін парог.
Як геніяльна ўсё і проста:
Прыйшоў, убачыў, перамог.
О, гэты лозунг перможны,
Шмат сапсаваў жыцця ў жыцці
Прыйсці і ўбачыць можа кожны,
А ўбачыць і перамагчы?
Тут мы — каса, мы самі й камень,
У нас жыве агонь і лёд,
Й супрацьстаянне наша з намі,
Усё жыццё, ад году ў год.
Пасля гадоў дзевяцібальных
І ціхіх год — жыцця вянец.
Як проста ўсё і геніяльна —
Заплюшчыў вочы і — канец.