Як я любіў застольны тлум радні,
Дзе п’ецца за кампанію і есца,
Дзе пустазвонь, жартуй або мані —
Усё разумна, весела, да месца.
Дзе тост такі звычайны: «Будзь здароў!»
Гучаў і пранікнёна, і ласкава.
Нас келіх весяліў,
А грэла кроў —
Кроў родная — насупраць, злева, справа.
Як холадна мне сёння за сталом,
Анідушы — насупраць, справа, злева.
Слязою запіваю ў горле ком —
Ні пустазвонства,
Ні маны,
Ні спева...