Як колеры гучаць!
Бы трубачкі аргана,
Якія ад натхнення
Арганіста,
Да слыху далятаюць —
Фортэ,
П’яна —
Дар геніяў —
Шапэна, Баха, Ліста.
Як колеры гучаць
ў прыродзе — нашай маці!
Зялёны —
Лашчыць слых душы штогод.
Па-іншаму гучаць
для сэрца сенажаці,
Дзе красак каляровых —
Карагод.
Вунь, запаліўся лес —
спявае восень хорам —
Пунцовы гук, чырвоны,
Залацісты!
Ў шматкаляровых гамах —
хвалюючага мора,
Дзе дрэвы — ноты,
фарбы — арганісты.