Што вам сказаць на развітанне?
Да сустрэчы!
Хутчэй, што на старонках кніг,
чым у жыцці
Як ні шкадуй, а век кароткі чалавечы,
Імгненна пралятае ён,
як ні круці.
Шкада, што з вамі мне
не собіла сустрэцца,
Ды веру я, што вы адчуеце й праз час
Ў радках прачытаных
маю душу і сэрца,
Якія шчырай цеплынёй атуляць вас.
Люблю людзей я і жыццё —
і гэта слаўлю,
Я нават менш любіў сябе,
чым Божы свет.
І пад усім, што напісаў,
свой подпіс стаўлю —
Які ні ёсць,
А гэта творчы мой партрэт.