Ох, не мёд, скажу вам шчыра,
Долечка мая.
Я адзін, а вас чатыры —
Разгубіўся я.
Вы, як зоркі-чараўнічкі,
Нібы краскі, як сунічкі,
Я адзін, а вас чатыры —
Разгубіўся я.
Колькі раз рабіў я спробы
Больш не варажыць.
Вы усе мне даспадобы —
Як далей мне жыць?
Ты — святлянка,
Ты — чарнушка,
Ты — з касой,
Ты — з завітушкай!
Вы усе мне даспадобы —
Як далей мне жыць?
Я сталею нежанаты —
Так жыццё міне.
Можа б лепей вы, дзяўчаты,
Выбралі мяне.
Я — прыгожы,
Я — харошы,
Поўныя кішэні грошай —
Можа б лепей вы, дзяўчаты,
Выбралі мяне.
У адказ — яны ні слова,
П’ю адчай да дна.
Хто ж яна, мая палова,
З чатырох адна.
Падкажы мне, Божа шчыры
Мне не трэба ўсе чатыры,
Хто ж яна, мая палова,
З чатырох адна?