Як усе вы́,
Як усе мы,
Рыхтуюцца і ў школе
Да зімы —
Ладкуюць і падвешваюць
Кармушкі
На дрэвах,
Каб не галадалі птушкі.
Настаўнікі ўсе тут,
Як кажуць,
З лёду —
І вучняў вучаць.
Як любіць прыроду.
У школе тут
Сябе паводзяць
Годна —
Як гэта добра
І высакародна.
Развесілі і прэч пашыбавалі —
Душы прыемна й галачка ў журнале.
Дзьмуць завірухі,
Маразы лютуюць,
А вось кармушкі
З восені пустуюць...