Як доўга цягнецца зіма...
Як хутка пралятае лета —
Крутнуўся — і яго няма,
Ледзь рот раскрыў —
і песня спета.
Вось чэрвень узышоў на трон,
І думкі ўжо будуюць планы —
Аж цэлых дзевяноста дзён
Падораць сонечныя ванны.
Падораць...
Але хуткі час
Зноў крэсліць нашыя намеры,
Ужо да нас,
чарговы раз,
Зноў восень
стукаецца ў дзверы.
За ёю зноў паўзе зіма,
Маланкай пралятае лета —
Як не любіць яго за гэта!