Жыццё пражыў, амаль, як вы,
«Кастрычнікам» памазаны
І хоць на нешта меў правы
Ды больш быў абавязаны.
Правы меў на жыццё, як вы,
Як вы, па канстытуцыі.
Пакуль, як бачыце, жывы
Й жыццё не надакучыла.
На працу меў правы, як вы,
У сацгады багатыя.
Да пасівелай галавы
Ішачыў, пэўна, як і вы,
Рабіў амаль без платы я.
І скончыліся ўсе правы —
Бы сонца закацілася.
А у астатнім я, як вы,
Быў абавязаны, як вы,
Ды сёння ўсё змянілася.