Да выступлення на рэспубліканскім
свяце паэзіі, у г. Маладзечна
Я ў палоне мары быў адвечнай,
Мары патаемнай увесь час:
Эх, папасці б мне ў Маладзечна
І звярнуцца ад душы да вас.
Дні лічыў я, кожнае імгненне,
Верыла у цуд душа мая.
Бог пачуў — і я стаю на сцэне,
Вочы ў вочы, толькі вы і я.
Еднасць душ — галоўнае багацце
У жыцці — вядома нам даўно.
Як я рады быць на гэтым свяце,
Разам услаўляць Радзіму-маці,
Быць духоўна з вамі заадно.
2019