Ад калыскі, ад народзін,
Кожны нёс свой крыж праз час.
І у кожным дні і годзе
Чулася ў дышы не раз,
Чулася прыгожа:
Дзякуй табе, Божа!
Усяго ў жыцці багата —
Нараджаецца дзіця,
З цудаў цуд, са святаў свята,
Ранак новага жыцця.
Шчыра шэпчуць губы:
Дзякуй, Божа любы!
А бывае, што раптоўна
Лёс бяду прыпаднясе,
Зноў да Бога малітоўна
Мы звяртаемся усе.
Крыж цалуем тройчы:
Злітуйся, наш Ойча.
Ох не простая дарога
Нас чакае па жыцці,
І усё ж мы славім Бога,
Ён нам даў па ёй ісці.
Ён нам дапаможа,
Слава табе, Божа!