Туга глыбокая —
куды той Марыянцы?1
І ўсё-такі
пакуль я не на дне.
Амаль усе магчымасці
І шанцы
Я выкарыстаў...
правільна ці не?
Туга глыбокая —
а думкамі высока.
І ўсё-такі
вышэй ужо не быць.
А неабсяжнасць неба
цешыць вока
Й надзеі зорка
у душы гарыць.
Туга глыбокая —
а далягляд бязмежны,
Як і жыцця
не бачу берагі.
Я, дзякуй Богу,
сэрцам незалежны
Ад юбілея,
ад яго тугі.
1 Марыянская ўпадзіна.