Якія песні ў маладосці мы спявалі!
Якая музыка выхоўвала наш лёс!
Нас уратоўвалі мелодый дзіўных хвалі,
Час мелагучнасці жыццё на крылах нёс.
І нічагуткі, што жылі мы не багата,
Што надыходзіла — ў кішэні ні граша.
Але заўсёды песняй поўнілася хата
І ў свет мелодыі імкнулася душа.
Адсвяткаваў той час напеўна-дзіўны,
Ды «свята месца» не павінна пуставаць!
І сёння ўжо спяваюць неяк агрэсіўна,
Калі ўсё гэта можна спевамі назваць.
Са сцэны глушаць рытмы, крыкі, рыкі, рокі —
Хто ў драных джынсах, хтосьці ў модным «дэфіле».
Крыўлянні, ўціскі і шаманскія падскокі,
А ўжо спявачкі дык амаль што нагале.
І раздзіраюць узмацніцелі паветра,
І новы «брэнд» абездухоўлівае нас...
«Калісьці» наша — сёння хрысцяць
словам «рэтра»,
Як ні заві яго, а быў цікавы час.