Раскрый, Купала, вочы,
У наша сёння глянь.
Няма больш чорнай ночы,
Чым той, што сёння змрочыць —
Хутчэй, Купала, ўстань!
*
Тэатр імя Янкі Купалы
Нагадвае пустку-турму.
Яго нечакана не стала,
Закрыўся ён раптам. Чаму?
Пік глупства ці нечых амбіцый
Нязменна ў тупік завядзе.
Спектакляў няма, рэпетыцый
Ў раскіданым гэтым гняздзе.
Ну й нумар — трымайся за неба!
Трагізмам за сэрца кране.
Купалаўцы! Вам гэта трэба?
Няўжо беларускасці? Не!
Культуру паклалі на шалі —
Яна ў заняпад ці наўздым?
Акцёры каму падыгралі?
Хто не з беларускасцю — тым.
Крыж ставіць на роднае мове,
Хто мае на гэта правы?
Не, гэта не глупства, панове,
Больш страшнае творыце вы.
100 год вам, а вы, нібы дзеці,
На сцэну пара, як раней.
Шукаю я лішні білецік
Папасці на ваш юбілей.
*
Раскрый, Купала, вочы,
У наша сёння глянь.
Няма больш чорнай ночы,
Чым той, што сёння змрочыць,
Хутчэй, Купала, устань!
Верасень 2020 г.