Адкуль патрыятызму быць у маладых,
Патрыятызм якіх ніколькі не цікавіць?
Культура, мудрасць кніг мала цікавіць іх,
Яны свой час у інтэрнэце бавяць.
Што за патрыятызм?
Для многіх клінам свет,
Праспала душы моладзі дзяржава.
Затое не праспаў дасужы інтэрнэт,
Сваёй маной ён труціць душы жвава.
Не спіць і ён —
Інфармацыйны час,
За душы барацьба ідзе сурова.
Наведайце у школе нашай
першы клас —
Там пра патрыятызм — аніпаўслова.
Як важна раскрываць
З сям’і, з малечых год,
Патрыятызм на словах і на справе,
Інакш не патрыёт расце, а антыпод
Свайму грамадству і сваёй дзяржаве.
Мяняе час людзей,
Час не стаіць, ідзе —
Як грымнуў гром, мы моладзі папрокі:
Дзе ваш патрыятызм?
Радзіма ваша дзе?
І дзе нацыянальнасці вытокі?
Патрыятызм не можа ўзяцца ніадкуль,
Як і сплючы ніхто не створыць дзею.
У інтэрнэтных «вундэркіндаў» —
Разумення нуль
І пра нацыянальную ідэю.
Не станеш патрыётам,
Хоць сто гадоў жыві,
Калі жывеш штодня з маною разам.
Патрыятызму ў сэрцы месца,
У крыві,
Патрыятызм не адрадзіць Указам.