Кніга спачуванняў у душы
Пухне ад няспынных некралогаў
Хоць пішы ў яе,
хоць не пішы,
Спраўна смерць дапісвае нябогаў.
Вось і Ціхановіч Саша ў ёй...
Ў гэту кнігу ўпісаны раптоўна.
Добры, шчыры, даўні сябар мой —
Сорак пяць гадоў сяброўства роўна.
Смерці не бывае без прычын,
Хоць жыві разгульна,
хоць напеўна...
Ён такі, па шчырасці, адзін
І апошні быў такі, напэўна.
30 студзеня 2017 г.
дзень пахавання
Сашы Ціхановіча