Патух, памёр не дзень, а гэта я
Яшчэ на дзень жыццё закрэсліў смела.
Цяпер дарога па жыцці мая
Яшчэ на адзін дзень пакарацела.
Яшчэ раз заўтра вынік падвяду,
Закрэсліўшы мінулы дзень чарговы.
Яшчэ на дзень сябе я абкраду,
Чакаючы някрэслены дзень новы.
О, колькі дзён прайшло з далечыні
Да сёння, аж да фінішнага краю.
Вось так я кожны вечар крэслю дні,
На дзень адзін штодзённа паміраю.