Ідзе загадчык крамы:
— Здароў, Сяргей!
— Здароў!
Звычайны сябар самы
Сярод маіх сяброў.
Мінулі зімы й леты,
Ды расказаць каму?
О, каб сустрэўся гэты
Заг. дзесяць год таму!
Я б прысалодзіў міну,
Спытаў, як бедны госць:
— Ці прывязуць свініну?
А каўбаса ці ёсць?
Смачней мой голас мёда,
Не хрэн, бо хрэн дадуць,
Ды з «чорнага» ўсё хода,
Ды не за «дзякуй».
Жуць!
Была такая «ласка» —
Свініна сацсвіней.
І ўсё-такі каўбаска
Тады была смачней.