Жыццё сваё
Жыццю я прысвяціў.
Не, не свайму жыццю —
Наадварот,
Каб будучыні лепшай лейтматыў
Не горшым быў мінулых нашых год.
Духоўна працаваў
па меры сіл,
Па меры самых нерэальных мар,
Каб будучыні лепшай небасхіл
Больш светлым быў,
без навальнічных хмар.
Жадаю ўсім
Ад сэрца, ад свайго,
Й табе,
яшчэ ў зародку, чалавек,
Нашчадкі каб не зведалі таго,
Што зведаў акрываўлены наш век.