Як прыдбалі кацянятку —
Колькі радасці спачатку.
Ён гарэза, ён рухавы,
І пушысты, і ласкавы.
І малы каток знянацку
Стаў для ўсіх жывою цацкай.
Ловіць хвосціка свайго —
Не нацешацца з яго.
Ой жа ж як катка любілі,
Калі быў каток у сіле.
А як стаў каток старэнькі,
Сілы у катка паўжменькі,
Як зрабіўся нэнзлы ён,
Дык і выкінулі вон.
А вакол зіма, завея,
І стары каток гібее.
Быў пад коўдрай, за сталом,
Апынуўся пад вуглом.
Калі ўбачыце катка,
Прытуліце бедака.