О колькі людзей
за жыццё перабачана,
Сяброўстваў правераных, новых.
Жыццю за цікавых
знаёмых удзячны я
І не — за людзей выпадковых.
Знаёмства з аднымі
мінала хвілінкамі,
Імгненнямі —
Ледзь і прыкмеціш.
Духоўна ж мой лёс
ўзбагачаўся адзінкамі,
Якіх вельмі мала на свеце.
Я й кніжкі чытаю
удзячна й расчулена,
Яны, нібы людзі гавораць:
Адны прачытаеш —
і час толькі згублены,
Другія — духоўна адораць.