брату Косціку
Як для шчасця мала трэба.
Для няшчасця значна меней.
Мне б для шчасця — крайчык хлеба
На дарогу у кішэні.
Мне б для шчасця — вецер вольны,
Пажадана, каб сустрэчны.
Паразмежыліся б межы
Даляглядшчыны адвечнай.
Мне для шчасця — мець бы веру
Ў еднасць з зоркай самай дальняй.
Я б нязбытачнасць-хімеру
Ажывіў, зрабіў рэальнай.
Я для шчасця нічагуткі,
Апроч шчасця, не жадаю.
Для няшчасця хопіць чуткі,
Што ў няшчасці хтось канае.
25.VIII.2017