За роляй роля — смутак, урачыстасць,
Пяшчота, гнеў, спагада, дабрыня...
Душа чысцей, чым Нарачы празрыстасць,—
Узнёсласць мары, болю глыбіня.
Жыццё падзеі закруцілі вірам,
Гады вышэй узносілі, гулі —
Ляцела ўвышыню, а сэрцам шчырым
Была з людзьмі заўсёды — на зямлі.
Паспрабавала ўсё — нядолі горкай,
Імгненні шчасця і смугу начэй,
І узышла над Беларуссю зоркай,
Якая, што ні год,— гарыць ярчэй.