Что в том, что на вселенной — маска?
Борис Пастернак
Сусвет мяняў адвечна маскі,
Як мы пальчаткі на руках.
Адны былі ў рэжыме царскім,
Другія — пры бальшавіках.
Заўсёды ў масках дэмакраты
І камуністы ў масцы слоў.
Крывёй заліўся век дваццаты —
Фашызму маска — смерць і кроў.
Век дваццаць першы хворы цяжка,
Хто ведае, што будзе з ім?
Яго жахліва душыць маска,
І цяжка дыхаць нам усім.