Прамень адраджэння
лаўлю сэрцам чулым,
Я — частка сучаснасці,
кропля яе.
І ўсё-такі светлая
повязь з мінулым
І крылы, і святасць
жыццю надае.
Я чую заўсёды мінулага голас,
Хоць тыя падзеі
даўно адгулі.
Іду па жыцці
а насустрач мне Колас,
І кліча усіх нас
да новай зямлі.
Жыццё будзе доўжыцца
ў шчасці, не ў згубе,
Калі ўнукі ўзмоцняць
духоўнасці ўзмах,
Калі будуць помніць
твой заклік, Якубе,
І шырыць, табою завешчаны шлях.