Калі ёсць хор —
павінны быць салісты,
І гэта правільна,
без лідэраў — тупік.
Мы — суайчыннікі,
а не антаганісты,
Не варта слова
вешаць «за язык».
Мы гора й святы
п’ем з агульнай чашы,
Адзін агульных спраў у нас кірмаш.
Калі ж не супадаюць
думкі нашы,
Не значыць гэта,
што я вораг ваш.
Лепш нашых думак
плённая бязмежнасць,
Чым кожны будзе жыць
«ніжэй травы».
Я ўсёй душой —
за нашу незалежнасць,
Я Беларусь люблю
не менш, чым вы.