І ручаёк вірлівы,
І матылёк шчаслівы,
І салавейка, што ўсю ноч пяе,
Усе вясну гукалі,
Усе вясну чакалі,
Усе ўслаўляюць здольнасці яе.
А здольнасцяў не мала —
Яна навыкрасала
З далоняў шчодрых найвялікі цуд:
Жыццё тут на здзіўленне,
Святкуе адраджэнне —
І кожная душа, і кожны кут.
О чараўніцы вёсны!
Зноў вытчуць вашы кросны
І быль жыцця, і казку не адну.
І мары, і надзеі,
Каханым прывілеі —
Насіць у сэрцы вечную вясну.