Наступны дзень мой —
грош табе цана,
Што паспрыяеш мне ты —
мала веры.
Надзеі, мары ўсе мае —
Мана,
Задумкі, мэты кволыя —
Хімеры.
Ёсць і да вас,
мінулага гады,
Пытанні —
быў я у нястомнай сіле
Рухавы быў калісьці,
Малады,
Вы ж маладосць
у сёння не пусцілі.
Заместа светлых мар,
нагналі хмар,
Рэаліі жыцця,
заместа казкі.
Гадоў старых
я сёння уладар
І неўладар былога
з вашай ласкі.
І сёння да сябе
папрокі ёсць —
Мяняў я лёгка
«сёння» на «учора»,
Мяняў на ўцехі
лёгка маладосць,
Свой час мяняў
на «па калена мора...»
Як слёзы,
ў небе зорачкі зіхцяць,
Загушквае мяне
мой месяц — ліпень.
Наступны дзень,
пакуль я буду спаць,
З запазухі
Няўдачаў камень выкінь.