БЕЛАРУСКАЯ ПАЛІЧКА

Сяргей Давідовіч

Ні лучыніны

Напалю я спраўна печ

Вечарам у хаце.

Прыгарну цяпло да плеч,

Буду панаваці.

 

Я ў паветку — мой ты Бог!

Пуста... й мышы збеглі.

Я вярнуўся ў хату й лёг

На халоднай цэгле.

 

Ні лучыніны няма,

Вецер пад паветам.

Ў дзверы стукае зіма,

Што я думаў летам?

---

Тэкст падаецца паводле выдання: Давідовіч, С.Ф. Збор твораў. Т. 8. Вершы. Паэмы. Гумарэскі. Байкі. Апавяданні / Сяргей Давідовіч. - Мінск: А.М. Вараксін, 2017. - 511 с.