Увасшэсце на трон
Патрыярха святога
Урачыстым было,
гістарычным было.
Храм Хрыста напаўняўся
прысутнасцю Бога,
Напаўняла яго вечнай
Веры святло.
Тут, паводле Канонаў,
узвышана пелі,
Бласлаўляў «Аксіос»
Патрыяршыя дні...
А ў Рэспубліцы Комі,
ў прытулку гарэлі
Богаўгодныя людзі
старыя — ў агні.
Быць для ўсіх ратаваннем —
нялёгкая ноша,
Недзе слёзы і плач,
недзе танцы і спеў...
Бог у Храм завітаў,—
тут і бляск і раскоша,
А ў прытулак для бедных
прыйсці не паспеў.
1.02.2009.