На Міншчыне вольнай палі каласяцца,
Адноўлен зямлі кожны кут.
І творчая думка, і святы, і праца,
Пачэсна шануюцца тут.
У цэнтры падзей ты заўжды гістарычна,
Падзей, што вякамі гулі
І вобласць працуе, як сэрца, рытмічна
Усёй беларускай зямлі.
Адкрыцці — Радзіме, здзяйсненні —
Радзіме,
Сузор’е славутых імён.
І гонар мільёнаў — не хлебам адзіным
Сталічны жыве рэгіён.
У песнях — узнёсласць,
У працы — грунтоўнасць,
У сэрцы — гасціннасці свет.
І крочыць упэўнена Мінская вобласць
Да новых вяршыняў і мэт.