Прыемна атрымаць
узнагароду, званне
Ці грамату,
ці нейкі творчы прыз.
Але ж да чытачоў
нясем мы на спатканне
Напісанае — наш казыр, сюрпрыз.
Ні разу я не чуў
пры творчае сустрэчы,
Ды і пачуць такое не хачу,
Пра ганаровы спіс
узнагародаў нечы —
Жывая творчасць трэба чытачу.
Такі мой «спіс» — пусты,
ды я і не крыўдую,
Павінен кожны быць самім сабой,
Дасць Бог я не адну
шчэ кніжку узгадую,
Ці ж гэта горай прэміі любой?